關於香港答案之書

每個人都有舉棋不定嘅時候。

有時唔係真係想搵一個標準答案，只係想有人用熟悉嘅語氣，輕輕推你一把。

坊間有好多《答案之書》，但我哋一直覺得，香港人都值得有一本屬於自己嘅版本。用我哋嘅語言、我哋嘅幽默、我哋嘅生活感，去講一句似遠似近、似玩笑又似啟示嘅說話。

所以就有咗《香港答案之書》。

入面收錄咗港式金句、電影對白、經典歌詞、日常智慧，陪你喺迷惘、失眠、心大心細、或者純粹想問宇宙一句嗰陣，翻開一頁。

當然，呢個係一個輕鬆好玩嘅小 project。真正重要嘅決定，最後都係要由你自己作主。

但如果某一句啱啱好講中你，咁就當 宇宙今日同你有默契 💛